小資女SPG一晚升金之深圳福田週末遊~~

小資女之前為左要參加SPG 一晚升金，我地就揀選左深圳福朋喜來登酒店，因為價格比較相宜，大概係人民幣5百幾蚊～ 果日小資女就順道試左海底撈同北海道軟雪糕～

酒店位處於福田口岸附近～ 由福田口岸行過去大概10至15分鐘就到喇～係酒店坐二十蚊的士就足夠去附近幾個商場~(例如COCO Park購物公園)~~

雖然係喜來登旗下既次一級酒店~但係都唔失禮~

酒店大堂都好大~以SPG酒店價格黎講~相對叫便宜~~

Check in 嘅時候，酒店表示我地訂嘅房間滿左，酒店話免費幫我地嘅房間升級呀！小資女真係好好彩~人品大爆發~~

如果係SPG金卡同白金卡會員有專用櫃位CHECK IN~唔使等太耐~~

準備上房~好期待....點知~

由於小資女同老公興奮過頭，房間只係拍左片，忘記影相呀！（失敗…）

睇睇片呀-->

總括:酒店房間裝修比較舊~地鐵站又相對遠~但勝在價格相宜~用來完成SPG 既目標或者PROMO係唔錯既選擇~~

最後評價(5星為滿分)

酒店設施 ***

酒店服務 ***

推薦度 ***

酒店講完喇，就講返海底撈先！

小資女同老公商量過，決定要去海底撈拎左位先再去check in 嘅，因為聽講好多人排架！點知去到真係多人到不得了！

擦鞋服務都有得提供!!!

小資女太遲黎~~D野收哂~~失敗~

仲有得修甲!!

正如傳聞一樣，等位嘅時候客人有位置比你坐住等，有免費茶水，小吃供應，有擦鞋服務，有整指甲服務 （咪見好似無咩人，其實係小資女食完海底撈嘅時候補影嘅咋，飯市果陣時多人到爆炸！）

拎左籌之後小資女就同老公去酒店check in! 張籌上面有個QR code , scan 左之後就可以睇到下一個號碼輪到邊個，小資女就留左係酒店休息一下！

大概兩個鐘之後（夜晚10:00） 就有位喇～

入面都幾大wo, 間餐廳都幾企理

夜晚10點幾都仲咁多人

要用TAB點菜~~

侍應們都好醒目，做野好快手～ 佢見我地第一次黎就簡單講下點運作喇～侍應叫我地先揀好湯底，再慢慢揀野食都得！ 

我地揀左豬骨湯併麻辣湯底~~麻辣湯底小資女同老公挑戰左15分鐘...決定放棄....完敗...

然後派左條圍裙仔比我地~

仲有比紮頭繩我wo~ 真細心!

由於已經好夜小資女驚肥(女性通病)~~全部叫左半份~~哈哈~

等左咁耐~終於開動~~

羊肉好好味~~

佢地個招牌滑牛肉~~~媽~~好辣呀~

前面嘅客人叫左拉麵！真係有個師傅走出黎表演一番架！

師傅都會失手~~小資女現場目擊~

聽人講食蝦會有小鮮肉幫你剝殼嘅，點知我地果日叫蝦，居然無人理我地…

我地埋單人仔328~

海底撈係深圳有好幾間分店架, 我去果間係-->

福田區卓越世紀中心四層L401 L402 
營業時間: 24小時 (太誇張了吧)
官網:http://www.haidilao.com/

另外，我仲食左來自北海道嘅雪糕～ 原來係KFC 入面嘅甜品部～

要25 人仔，都唔平呀！

我唔客氣喇!

但食落真係幾好味！雪糕好香牛奶味架! 個CONE仲好味! 充滿牛油香味!

最近CREMIA 都登陸左香港嘅太古城, 定價係$48 ~ 如果住北區嘅朋友想試呢款雪糕, 北上應該方便D呢~  

我去果間CREMIA地址係--> 

-COCO Park購物公園肯德基
福田區福華路星河COCO Park花園負一楼樓B1C-076A商铺（地鐵1号线購物公園站C出口）

如果大家周末唔想係香港過，又覺得澳門消費太貴，深圳都係一個唔錯嘅選擇！

小資女Facebook:

https://www.facebook.com/Camcamlife/