小資女新加坡最愛美食篇~~

今次小資女已經係第三次黎到新加坡喇～ 有四樣新加坡美食小資女每次都一定要食一食先滿足～ 

第一樣就係結霜橋喇沙！

小資女就熱死了~終於到啦~

2015年小資女第一次去食嘅時候，發現呢間小店出面排隊人潮

而今次都不例外！ 派左老公去排隊~~大約排15分鐘就到~

呢個food court 入面其實係有幾間食店嘅，但只有哩一間係排長龍！所以係非常易認！

因為每一碗喇沙都係即時煮，所以要等等！

SGD 3 就有一碗～不過喇沙係細細碗，唔好以為好似譚仔咁大碗呀！

有無發現無筷子呢？係呀，呢度食喇沙唔用筷子，用匙羹食架！
唔好問我點解呀！但用匙羹又真係食到架wo!

喇沙真係好好味呀！唔怪得咁多人排隊！

想要飲品就要同另外嘅小店購買～ 價錢都唔貴架！

結霜橋喇沙地址：200027, 27 Jln Berseh, Singapore 200027

要留意休息日--> 每月第一和第三個星期三

新加坡第二樣美食係--> 黑胡椒蟹！

淨係睇圖都好吸引~

仲有得自己選煮法~

小資女係新加坡食過2間餐廳嘅黑胡椒蟹，覺得珍寶嘅黑胡椒蟹係比較好味嘅～

珍寶用餐時間得1個半鐘~好趕喔~

要即刻諗定食咩先~~

揀珍寶嘅原因好簡單，因為佢個黑胡椒汁係乾身嘅，辣辣地，好惹味！

老公來新加坡必食~~黑胡椒蟹~哩隻SGD$70.2~

隻蟹鉗好大呀~好多肉~

今次我地仲食左椒鹽螃蟹~哩隻SGD$78~

哩隻蟹鉗細過小資女隻手少少~椒鹽螃蟹味道就好普通~都係黑胡椒蟹好D~

我地仲食左馬來炒麵～用左茄汁炒~幾開胃~

最後食左$211.4新加坡幣~~大約1190港元~

小資女之前都試過另一個招牌菜- 辣椒炒蟹！

呢一款都好多人食架！小資女都覺得唔錯架！仲可以配炸饅頭點個辣汁食架！
但老公就鍾情黑胡椒蟹多D!

珍寶小貼士：可以嘅話上網訂位，因為呢間餐廳長期多人架！小資女試過無訂位等接近45分鐘！今次有訂位就等左5分鐘有位喇！

訂座資料:

http://www.jumboseafood.com.sg/tc/reservations

小資女另外食過螃蟹之家嘅黑胡椒蟹，個汁比較多，辣中帶甜，呢個就係最大分別～ 

螃蟹之家嘅黑胡椒蟹

 喜歡咸蛋嘅小資女老公反而推介螃蟹之家嘅咸蛋螃蟹!

螃蟹之家嘅咸蛋螃蟹

珍寶海鮮地址: 

30 Merchant Road # 01-01/02, Riverside Point, Singapore 058282

螃蟹之家地址: 

756 Upper Serangoon Road, #03-33 Upper Serangoon Shopping Centre, Singapore 534626

第三樣野食就係--> 海南雞飯！

我講緊就係鼎鼎大名嘅天天海南雞飯！其實好多人去過新加坡都應該識天天海南雞飯，因為真係好好食！

小店位於一個平平無奇嘅Maxwell Food Center 入面～

小資女又嚟到了~~食~食~食

上次小資女下午3點幾去到嘅時候想叫份雞脾飯都賣晒，於是今次就11點鐘到去到Maxwell Food Center！ 

大鑊...好多人~點算~~

由於上次太遲黎~淨係得返雞胸~所以老公今次好重手要左半隻雞~~

等左大概15分鐘老公就買到半隻海南雞加油飯喇！

海南雞再淋上個汁~~一絕(小資女個人感受~太誇張了吧)~

油飯都好香~~配埋黑豉油~正~

有半隻雞加個飯~SGD$12.8~大約70港元~小資女覺得價錢可接受~

天天海南雞飯小貼士：避開午市食午餐時段，大概中午12:00開始，成個food center 開始變得多人，唔好講話排隊買野食要等好耐，連搵個位都難，所以可以就早少少或遲少少食飯～ 太晏又唔得架，因為海南雞大概3，4點會賣晒，要留意喔！

小資女今次仲食左魚蛋米粉，係網路上人氣都好高企架，但食落無想像中咁出色～

有六種款式揀~最平SGD$4

哩係魚肉米粉~SGD$4~~小資女試食發覺湯比較淡~~最後加左D豉油~即刻好食好多~

金華開門時間係11:15 - 20:30~

天天海南雞飯地址：

1 Kadayanallur St, #01 -10/11 Maxwell Food Center, Singapore 069184

休息日: 星期一

到最後一樣就係肉骨茶喇～ 

新加坡出名嘅肉骨茶有好幾間，但小資女咁啱次次都係食黃亞細肉骨茶，所以我都唔敢講係咪最好食，只可以講幾間分店嘅水準都好一致，好味道!!! 

剛剛去完賭場~發現聖淘沙有黃亞細~

小資女當然即刻入去食啦～

門口有個自動販賣機，揀啱心水就入錢拎返張單～

叫左SET A~加左份響鈴~~

D肉好稔好入味~個湯仲有陣胡椒味~~正~

食完後記得還托盤呀，因為可以拎返SGD 1 嘅按金～ 

叫完SET~~唔夠的話可以加野~~

最後食左SGD$20.6~~都幾貴....汗

平時小資女都唔會介紹手信，但今次一定要介紹下新加坡金鴨既炸魚皮，有少少辣加咸蛋味，仲非常脆，不得不介紹！！！另外佢仲有隻薯片，薯片就不推啦，唔係唔好食，係同炸魚皮差太遠…

售價係SGD$7，我都係上網預訂左然後去collection point拎架～

詳情去官網睇呀--> http://thegoldenduck.co/

另外,小資女係FULLERTON 酒店附近發現左呢架雪糕車呀! 每次見到都要買件食下~ 有幾款雪糕口味可以揀架~  

小資女都要排隊買返件食~

小資女就揀左用威化餅夾榴槤雪糕~ SGD 2~

我唔客氣喇!

希望大家鍾意我嘅分享~

小資女Facebook:

https://www.facebook.com/Camcamlife/