小資女每次去澳門都有幾間餐廳/小店一定要去，唔知你地有無去過呢？
1. 明記牛雜
其實小資女係因為去陶陶居食飯途中，見到呢檔牛雜車仔檔咁多人排隊買，於是我又走去排下，發現原來呢檔牛雜幾好食架！
 |
| 2015年冬天小資女去過架 |
 |
| 至少要排20分鐘隊... |
最近我又去左排隊買牛雜～
 |
| 大熱天時排隊真係幾辛苦~ |
牛雜點賣呢？盒裝最少$50，可以買$60, $70，$80，$90，$100都得～
另外仲可以買，生腸，生菜，魷魚之類嘅野，大概十零蚊一串～
小資女覺得牛雜都唔錯～ 但老公就覺得一般～
新馬路爐石塘巷
2.世記咖啡
小資女今次去左官也街嘅世記咖啡！
因為上次小資女同屋企人食過一次佢地嘅豬扒包之後就好想再食！今次我地一行5人就揀左幾個唔同款式試下！
 |
| 小資女揀左豬扒包，味道不錯！係乾左少少～ |
 |
| 老公揀左咸牛肉厚蛋治～ 呢個好好味呀！老公話好食過豬扒包… |
 |
| 飲品我就要左奶茶, 老公就揀左咖啡～ |
老公話咖啡有D酸… 佢個人唔鍾意～
我上次就係飲過咖啡係有少少酸，我都唔鍾意，所以今次揀左奶茶～ 好味道！
 |
| 小資姐揀左個花生奶油方塊都好好味架！ |
 |
| 好多花生, 花生醬同煉奶! 正!!!! |
 |
| 價目表~ |
 |
| 小資女同老公消費左$91~當係一個早午餐~ |
世記咖啡地址:
氹仔舊城區消防局前地1號地舖
3.贏到粥
 |
| 小資女再一次同屋企人一齊黎到贏到粥食卜卜蜆～ |
 |
| 第一次黎食果時好期待架! |
 |
| 食得未呢... |
我地2015年果時第一次食卜卜蜆，餐廳都係開左無耐，唔知而家係咪依舊咁高水準呢？
今次食嘅卜卜蜆令小資女一家覺得有少少失望喔～ 雖然都係有好多蜆，但係個湯底無咩味… 第一次食果時好鮮甜架…
今次我地食完個卜卜蜆仲食左個冬瓜粥底火鍋（其實大家可以用返卜卜蜆個湯底打邊爐，但因為今次個湯底真係麻麻地，所以我地轉用粥底打邊爐）
 |
| 賣相都唔錯嘅 |
 |
| 雞件係分開上嘅 |
 |
| 先放雞件入去~ |
 |
| 滾左陣就食牛肉喇~ |
我地只係叫左幾款打邊爐料～
個粥底唔夠咸，無味…食落又好似麻麻地.....
 |
| 另外再叫左個脆辣雞～ 呢個反而唔錯呀！ |
小資女影左個價目表，大家可以參考一下～
我地埋單$775 （5位），價錢唔算貴嘅，但小資女下次就未必再黎喇～香港都有好好味既卜卜蜆了~
贏到粥地址:
下環媽閣豐順新邨第三M,K舖
手信篇
小資女去到邊都要買手信嘅～ 澳門都一定唔例外～ 除左鉅記，咀香園之外，今次小資女買左兩款手信同大家分享一下～
1. 晃記餅家
1. 晃記餅家
其實呢間餅家出名程度都好高，應該好多人都識～ 因為小資媽想知道究竟有幾好食，佢就派左小資姐去排隊買～ 大概排左25分鐘先買到… 原來要等D餅新鮮出爐呀～
今次小資一家買左好出名嘅晃記肉切酥同雞仔餅～
今次小資一家買左好出名嘅晃記肉切酥同雞仔餅～
 |
| 雞仔餅 |
 |
| 肉切酥 |
 |
| 肉切酥食落有好香南乳味~同埋口感好鬆脆~~係一種好懷舊既味道~ |
 |
| 雞仔餅就好硬.......好一般~ |
肉切酥 $20/包
雞仔餅 $20/包
小資女覺得肉切酥可以一試!
晃記餅家地址:
氹仔舊城區官也街14號2. 最香餅家
咪呢個餅個包裝係咪好懷舊呢～ 呢間餅店係位於夜呣街，即福隆新街附近～
小資姐推介小資女一定要買兩盒～ 小資姐話佢食過覺得好好味～ 同大牌子果D唔同架～
小資姐推介小資女一定要買兩盒～ 小資姐話佢食過覺得好好味～ 同大牌子果D唔同架～
杏仁餅食落好脆仲有陣炭香味～果然其他大牌子即刻比下去~
(小資女強力推薦)
