小資女周末澳門小渡假--> 金光飛航優惠 + 免費登上巴黎人鐵塔+ 永利皇宮免費坐觀光纜車 + 百老匯舞台免費奇幻秀

小資女剛剛去完澳門玩左幾日，發現左少少優惠同大家分享下～

去澳門就梗係買船飛先喇～ 因為小資女係8月去澳門，船飛就無咩特別減價～ 但小資女最後都發現左方法買船飛係平少少，就係用微信喇! 透過微信買金光飛航嘅香港-澳門來回船飛都只係港幣285～ 

但首先要follow 澳門金沙渡假區官方賬號

之後揀限時優惠，再揀限時優惠券

搵落去就見到金光飛航85折喇～ 提提大家係要去櫃位買飛先用到優惠架～ 

如果大家有中銀信用卡都可以享有呢個優惠架！下載金光飛航個APPS或去佢地官網就可以睇到佢地嘅優惠~

官網: https://hk.cotaiwaterjet.com/index-hk.html

有MASTER CARD嘅朋友就有8折買頭等來回船飛!

另外如果有朋友好即興去澳門嘅，都可以用金光飛航嘅apps 買即日單程香港去澳門都只係$110 咋～

生日去澳門玩下, 買船飛都有優惠架～ 香港澳門來回都係$248 ～ 同行嘅一位朋友都係同生日果位一樣價錢～ 入閘時記得一齊入同出示返身份証明文件～

第二個優惠就係坐完金光飛航張船飛唔好掉呀，因為可以憑即日金光飛航船飛免費上巴黎人酒店嘅巴黎鐵塔架～ 

我見follow 金沙集團官方賬號有優惠，就順手follow 埋其他酒店集團喇～ 除左得到好多酒店資訊外，隨時有用得著嘅美食折扣券！

我特別想提嘅就係follow 永利渡假村就可獲得免費坐觀光纜車來回一次！

仲有，follow 澳門銀河無限體驗，揀粉絲優惠->獨家優惠->百老匯可獲得奇幻秀B區免費門券兩張！ 

雖然我知道咁多優惠，但我都係使用左微信船飛優惠同睇左百老匯酒店奇幻秀咋～ 因為小資女唔夠時間做晒咁多野呀！

想知小資女點計劃澳門兩日一夜行程？請繼續留意小資女個blog 喇！

小資女Facebook:

https://www.facebook.com/Camcamlife/